IA: ATG-ip angalatitsinissi annertusisariaqarpaa

Arctic Umiaq Linemik pisiniartup Arctic Travel Group-ip angallassinissamut pilersaarutini allanngortittariaqarai, Inuit Ataqatigiit maanna piumasaraat. Taama piumasaqalernertik Inuit Ataqatigiit siulittaasuata Aningaasanullu Naalakkersuisuugallartup Josef Motzfeldtip ima tunngaveqartippaa:

- Isumaqatigiinniarnerit aatsaat atuuttussanngortinneqarsinaapput aningaasaliisartut, tassalu Inatsisartut imaluunniit ataatsimititaliaq angusarineqarsimasunik akuerinnippata. Ataatsimiititaliaq ataatsimeereermat IA-ip ataatsimiititaliami ilaasortaatitaa oqaloqatigineqarpoq, paasisallu tunngavigalugit piumasarineqarpoq illoqarfiit nunaqarfiillu Arctic Umiaq Linemit aqqusaartarneqarsimasut pisiniarnermi akigitinneqartup iluaniitinneqassasut, tassa tikinneqartuaannarsinnaanissaat piumasarineqarpoq.

Josef Motzfeldt oqarpoq piumasaqaat ilalerneqanngippat isumaqatigiinniarnerit allatut nipilerlugit ingerlanneqartariaqalersinnaasut.

- Taamaattorli ATG-i aningaasanik amerlanerusunik piumasaqalissagaluarpat taava tassani Inatsisartut Anningaasaqarnermut Ataatsimiititaliaa naammattumik piginnaatitaanersoq apeqqutaajumaarpoq, Josef Motzfeldt oqarpoq.

Taamaattorli ATG-mik isumaqatigiinniarnerit qatagiinnaratarsinnaannginnersut aperineqarami Josef Motzfeldt akivoq isumaqarani piumasaqarneq taama kinguneqarumaartoq.

- Tassa aningaasanik akuersisartut piumasaqarunik aamma aningaasartassaannik isumaginninnissaat naatsorsuutigaara.

Inuit Ataqatigiit massakkut taama piumasaqalernerat Josef Motzfeldtip ima tunngavilersorpaa:

-Aningaasat Inatsisartunut atugassanngortitaasut qaangerlugit Naalakkersuisut qanoq iliuuseqarsinnaannginnamik, isumaqatigiissutaasimasoq suliarisimavarput, tassani taamaallaat tikkuarneqarpoq umiarsuarni inuttaareersut ataannartinneqarsinnaanerat namminneq perusukkunik. Taanna akuerineqarsimavoq.

Inuit Ataqatigiit piumasaraat, nunaqarfiit Arsuk, Qeqertarsuatsiaat, Kangaatsiaq, Kangaamiut aamma illoqarfiit Qeqertarsuaq Upernavillu Arctic Travel Groupip angallassinermut pilersaarummini ilaatissagai. Inatsisartut Aningaasaqarnermut Ataatsimiititaliaa ualeru nalunaaqutaq tallimanut ataatsimiissaaq, Inuit Ataqatigiillu sinnerlugit ilaasortaavoq Aqqalukasik Kanuthsen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat