IA ataatsimeersualerpoq
novembarip 01-at 2004 12:12
Inuit Ataqatigiit Kattuffiat januaarip 27-anniit 29-annut Nuummi ataatsimeersuassaaq. Partiip immikkoortortaqarfii ataatsimeersuanissamut qaaqquneqareersimasut, partiip siulittaasua Josef Motzfeldt nalunaaruteqarpoq.
Inuit Ataqatigiit ukiut pingasukkuutaarlugit ataatsimeersuartarput, matumanilu sammineqassapput kommunalbestyrelsinut nunaqarfiilu siulersuisuinut apriilimi qinersinissaq namminersulernissamillu suliniuteqarneq.
IA-p siulittaasua Josef Motzfeldt siulittaasutut qinigassanngorteqqinniartoq IA-p siulittaasuata tullia Lars Sørensen ilisimatitsivoq. Josef Motzfeldt 63-nik ukioqartoq qinigaaqqissaguni Inatsisartunut 2006-mi qinersinissamut tunngatillugu naalakkersuisut siulittaasussaattut partiimit sassartitaasussaassaaq.