Nunatta Isiginnaartitsisarfianut aningaasaliinikinneruneq naapertuuttoq, Kultureqarnermut Naalakkersuisup Ane Lone Baggerip (S) KNR-imut oqaatigaa. Tamanna Mimi Karlsenip isumaqatiginngilaa.

IA aningaasaliinikinneruneq pillugu: Inuiattut immitsinnut nungusarpugut!

Nunatta isiginnaartitsisarfianut sipaarniarneq, nungusaaneq unitsinneqartariaqarpoq. Inuit Ataqatigiinneersoq Mimi Karlsen taama oqarpoq.

- Innarliinerujussuuvoq, Inuit Ataqatigiit Inatsisartuni gruppiata siulittaasua Mimi Karlsen (IA) oqarpoq.

- Uagut nammineq pigisatsinnik eriagisatsinnik uagut nammineq naleqartitatsinnik pigisatsinnik immitsinnut ilanngartuutilerutta uagut nammineq inuiattut nukittussutivut aamma piialissavagut.

Naalakkersuisut Nunatta Isiginnaartitsisarfianut ukiup tulliani 1 millionit koruunit missaannik aningaasaliinikinnerussapput. Tassa imaappoq aningaasaliissutaasussat 10 procentimik ikinnerussapput.

Nunatta Isiginnaartitsisarfianut Naalakkersuisut aningaasaliineri:
Aningaasanut inatsit 2018: 7,4 mio.
Aningaasanut inatsit 2019: 9,9 mio.
Aningaasanut inatsit 2020: 8,9 mio.                                   
Najoqqutaq: Naalakkersuisut

Nungussaagut!

- Inuiattut nukittorsartarpugut anersaakkut immitsinnut immileraangatta taannalu anersaakkut immitsinnut immernerput millippat inuiattut immitsinnut aamma nungussaagut!, Mimi Karlsen oqarpoq. 

AAMMA ATUARUK Naalakkersuisoq: Isiginnaartitsisarfimmut aningaasaliinerput naapertuuppoq

Nunatta Isiginnaartitsisarfianut aningaasaliinikinneruneq naapertuuttoq, Kultureqarnermut Naalakkersuisup Ane Lone Baggerip (S) KNR-imut oqaatigaa.

Tamanna Mimi Karlsenip isumaqatiginngilaa.

- Naapertuussiinnaanngilaq Isiginnaartitsinermut ilinniarfiup aammalu Nunatta Isiginnaartitsiarfiata suliassatut pingaarnersatut inississagaa aningaasanik fondininngaanniit allanik ujaasinissaq, Mimi Karlsen oqarpoq. Nangillunilu:

- Nunattaana Isiginnaartitsiarfiata suliassaa pingaarnerpaaq tassaasoq inuiattut uagut tarnikkut anersaakkullu nukittussutissatsinnik tuniorassalluta aammalu taakkuninnga ineriartortitsiuassalluni.

Naapertuutinngilaq

Namminersorlutik Oqartussat sulianut allanut kulturimut attuumassutilinnut aningaasaliissuteqarnissani siunertaralugu Nunatta Isiginnaartitsisarfianut aningaasaliinikinnerusoq, naalakkersuisoq Ane Lone Bagger oqarpoq.

Kulturikkullu tapiissutsaasartunut aningaasaliisoqartartoq, ilanngullugu naalakkersuisup eqqaasitsissutigaa. Nunattali Isiginnaartitsisarfianut taamatut suliakkiineq naapertuutinngitsoq, Mimi Karlsen isumaqarpoq.

AAMMA ATUARUK Nunatta Isiginnaartitsiviani aqutsisoq aningaasanut inatsit pillugu: - Ajorluinnarpoq

Tamannami Nunatta Isiginnaartitsisarfianut suliassiineruunnassammat:

- Tassami aningaasanik ujartuinermut nukiit tamarmik atorneqalissapput isiginnaartitsinermullu aamma oqaluttuanik ujartuinermut pilersitsinissamut periarfissat peerulluinnassapput tassunga nukeeruttoqassammat, Mimi Karlsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat