IA amigartooruteqaqaaq

Ukioq kingulleq Inatsisartuni kommuninilu qinersineq Inuit Ataqatigiinut akisusimaqaaq. Ukiumoortumik nalunaarutini Inatsisartut Allattoqarfiannut tunniussinerminni paasinarsivoq 2013-imi 600.00 koruuninik missaani amigartooruteqarlutik.

- 2013-imi naliginnaassumik nunat tamakkerlugu ataatsimiinikuuvugut taavalu Inatsisartunut kommuninullu qinersisoqarnikuulluni. Taamaattumik naatsorsuutigereerparput 2013-imi amigartuussalluta taamaammat tamanna tupaallaatsiginngilarput, Inuit Ataqatigiit siulittaasuat oqarpoq.

Inatsisartunut qinersinermi Inuit Ataqatigiit 1 millionit koruuninik aningaasartuuteqarput. Nuna tamakkerlugu ataatsimersuarnerat aamma taama naleqarpoq. Partiip amigartooruteqanerata iluarsariarnissaa ukioq manna ajornakusoortussatut isikkoqarpoq. Tassami partiimi nuna tamakkerlugu immikkut ittumik ukioq manna ataatsimeersuarput nutaamillui siulittaassoqalerlutik, taamaattumik partiip aningaasaqarnermi inissisimanera ukioq manna pitsaanerulernavianngilaq.

- 2014-imi aamma immikkut ataatsimeersuarnikuugatta taamaammat 2014-imi naatsorsuutit sissuernissaat ilisimareerparput, Sara Olsvig oqarpoq.

Taassummalu oqaatigaa, amigartooruteqarnerup iluarsiniarnisaa piareersarneqalereersoq.

- Siulittaassunngorama siulleq iliuuserisara tassaavoq aningaaserisortaarput ataatsimeeqqatiginera. Ataatsimiinitsinni qanoq iliuuseqarnissarput eqqartoreerparput, Sara Olsvig oqarpoq.

Partinik allanik aamma siorna amigartooruteqartoqarpoq. Tassa Partiit Inuit 250.000 koruuninik, Atassut 200.000 koruuninik kiisalu Demokraatit 48.000 koruuninik. Siumut kisimi sinneqartooruteqarpoq, ukioq manna karsi 1 million koruuninik sinneqartooruteqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat