I-69 arnani pissartanngorpoq

Illup iluani arsaannermi I-69 Ilulissaneersoq arnani pissartanngorpoq. Angusat takukkit.

Aatsaavissuaq I-69 Ilulissaneersoq arnat illup iluani arsaanneranni pissartanngorpoq. Finalemi unammivaat NÛK 1 siorna pissartaasut.

Arnat pissartanngorniunnerat 1/8 finalet kvartfinalellu aqqusaarnagit ingerlanneqarpoq. Unamminerit aallarniutaasut kingorna inissilluarnerit arfineq pingasut superpulje-nik taasanut inissipput puljet tamarmik sisamanik peqataasoqarlutik. Taakkunani inissilluarnerit marluk semifinalemut ingerlaqqipput.

Finale assorsuaq naligiiffiuvoq ataasiinnarmik isertitsisoqarluni. I-69 ajugaatillugu isertitsisuuvoq Karoline Malakiassen

Bronzennanniunnermi unammipput Inussuk 2002 Kangaatsiap eqqaani Ikersaarsummeersoq aamma B-67 1 aamma tassani ataasiinnarmik isertitsisoqarpoq B-67 ajugaasuulluni.

Aajuku unamminerni aalajangiisuni angusat:
Nagdlúnguak 1 - I-69 2 1-2 (normu 7-nngorniunneq)
Disko 76 - NÛK 2 4-5 (normu 5-nngorniunneq)
NÛK 1 - Inussuk 2002 4-0 (semifinale)
I-69 1 - B-67 1 2-1 (semifinale)
Inussuk 2002 - B-67 1 0-1 (bronzennanniunneq)
NÛK 1 - I-69 1 0-1 (finale)

Inaarutaasumi inissinneq:
1. I-69 1
2. NÛK 1
3. B-67 1
4. Inussuk 2002
5. NÛK 2
6. Disko 76
7. I-69 2
8. Nagdlúnguak 1



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl