Højskoli seqernup nukissiuutitaarpoq
Seqernup qinnguaanik tigooqqaat 90 kvadratmeterisut angissusilik iluaqutsiullugu Knud Rasmussenip højskolia Sisimiuniittoq kiassarneqalerpoq, taama aviisi Sermitsiaq.gl allaaserinnippoq.
Nukissiuut millioni koruunit ataatsit missarpiaannik akeqarsimavoq, taakkunanngalu højskolip 100.000 koruunit akilersimavai.
– Seqernup kissaanik nukissiuutip aasaanerani højskoli kiammik akikitsumik pilersorsinnaavaa, svenskit ingerlatsivianni Exo Heat AD-mi pisortaaneq Robert Sundquist oqarpoq. Ingerlatsiviup taassuma nukissiuut illoqarfimmi innaallagisserisutut ingerlatsivik Kaataq El suleqatigalugu pilersissimavaa.
Seqinermut tigooqqaat aasaanerani seqinnerluartillugu kiassarnerup affaa sinnerlugu pilersuisinnaavoq.
– Højskoli 1962-imi sananeqarnerminiilli imatorsuaq nutarterneqarsimanngilaq, taamaammallu kiassarnermut aningaasartortaqaluni. Inuusuttut aamma imeq kissartoq atortorujussuuvaat, taamaattumik uagutsinnut silatusaartumik una aningaasaliineruvoq, minnerunngitsumik pissutigalugu suliniut arlalinnit tapiiffigineqarsimammat, højskolimi forstanderi Jakob Lyberth oqarpoq.