Højgaard aamma FL Smidt ajugaaniutileruttorput

Danskit suliffeqarfiutaat angisoorsuit marluk, Højgaard aamma FL Smidt, suliffeqarfinnut nunanit allaneersunut maanna unammileruttorput. Ajugaasoq, canadamiut aatsitassarsioqatigiffiannik, Quadra Mining-imik, Tunup avannaani molybdænimik piiaaffissamik ammaaniartumik, sullississaaq.
aggustip 08-at 2008 12:20

Sullissisussaq aningasarpasuarnik iluanaarsinnaavoq. Piiaavimmik pilersitsinerup saniatigut, aamma aqqusinernik, tulattarfimmik mittarfimmillu sanasoqartussaavoq. Tassalu suliassat unammissutigineqartut 5 milliardi koruuninik naleqassasut, Business naggat dk allappoq.

Quadra Mining USA-mi kanngussammik kuultimillu piiaavinnik piginnittuuvoq, tassanngalu piginneqataassutit Torontomi pappialanik nalilinnik niuffaffimmi tuniniarneqartarput. Quadra Mining Tunup avannaani, Mestersvigip qinnguatungaani,

5 milliardi koruunit atorlugit molybdæn-imik piiaaffiliornialuni maanna pilersaarusiorpoq.

Molybdæn piumaneqaqaaq, saviminernut akugitinneqartarami. Sisammut, uuliamut aqqutissanut, timmisartup sannaanut qaartartunullu igeriuttakkanut atugassamut, mattutsisaataasarpoq.

Molybdænip ullumikkutut akigissaarnerani piiaavimmi ukiumut kaaviaartitat 3,5 milliardi koruuninut missingiunneqarput. Ukiuni 20-ni piiaanissamut naammattumik molybdæneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq