Høgni Hoydal tilluusarpoq

Politikeri savalimmiormiu, Folketingimut ilaasortaq, Høgni Hoydal, Norgemi Bergenimi akunnittarfimmiitilluni isimigut tilluusarsimavoq. Aviisip Jyllandspostenip nittartagaani, jp naggat dk-imi taama allaaserinnittoqarpoq.
Allattoq Mads Lynge
decembarip 14-at 2007 12:03

Høgni Hoydal, 40-nik ukioqartoq, Folketingimi aamma Atlantikup Avannaani Suleqatigiinni 2001-imili ilaasortaasoq, Savalimmiunut angerlartinnani Bergenimi napparsimmavimmukaqqaartariaqarsimavoq.

Norgemi timmisartumik millatsiarnermi pisoq pivoq. Høgni Hoydal akunnittarfimmi inissiffigisaminiitilluni savalimmiormioqatinilu alla oqqatillatsiarsimapput.

Angut assortuuteqataa malugisimaangaatsiarsimavoq, taassumalu Hoydal assamminik peqissimasunik kiinaagut tilluppaa. Tilluinera ima sakkortusimatigaaq Høgni Hoydal isimi aappaagut maanna tilluusarluni.

Hoydalip saassutsinnini oqaaseqarfigerusuppallaanngilaa, Savalimmiunili aviisimit Dimmlættingimit issuarneqarpoq, oqarsimasoq saassussisoq politiinut kalerriunnianngikkini, oqarporli angut aalakoorsimasoq, kisiannili utoqqatserfigereeraani.

– Tassaniissimassanngikkaluarpunga, immaqaluunniit piffissaq alla tassunngarsimasinnaagaluarpunga, Høgni Hoydal aviisimut Dimmalættingimut oqarpoq, saassunneqarnini annerusumik oqaluttuarinagu.