Høgni Hoydal isinngitsoorpoq
Savalimmiuni taasinerit naammassimmata paasinarsivoq Savalimmiuni Republikaanerit qinigassanngortitaat Høgni Hoydal Folketingemut isernissaminut inuutilaartoq. Taamaasillunilu unammillertaa Sjurdur Skaale 4329 taasiseqarluni Folketingimut iserpoq.
Edmund Joensen Sambandspartiimeersoq Savalimmiuni qinersinermi taaneqarnerpaavoq, 6361-inik taaneqarami, taamaasillunilu Folketingemut savalimmiuniit talerperlermiit saamerlermiillu isertitaqartussanngorput.
Sjurdur Skaale Høgni Hoydalimut Folketingimi taartissamaatitut inissisimanikuusimagaluartoq, qinersinerup aallartinngilaataani, Sjurdur Skaale Socialdemokraatinut nuuppoq.
DNAG Atlantikup Avannaani suleqatigiit atorunnaarnissaat ilimanaateqalersoq taamaasilluni Høgni Hoydalip qinigaaqqinnginneratigut ilimanaateqalerpoq.