Håndboldskole 2012

Angutit nunanut allanut unammisartut Amerikap nunavittani Vm-mut angunniunnermi angusarippallaanngikkaluartut taamaattoq assammik arsarluni meeqqanut ilinniartitsisoqartussanngorpoq. Assammik arsarluni nunanut allanut unammisartumit Jakob Larsenimit,sapaatip akunnerata iluani assammik arsarluni ilinniartsinneqarnissaq, qularnanngitsumik pissarsiaqarfiulluartussaq Julip 9-anit 13. Juli ilanngullugu ilinniarfiussaaq.
Allattoq Peter Troelsen, Salome Hansen
juunip 26-at 2012 09:38

Jakob Larsenip peqataasussanut sungiusaaqatigissavaa Danmarkimit nunanut allanut unammisartuusoq Kamilla Kristiansen.

-Nuannaarutigeqaarput sungiusaasussat akuersisimanerat. Assammik arsarluni ilinniarfissaq kinguartittariaqarsimavarput Jakob Larsenip Argentinamut unammiarnissaa tunngavigalugu, neriuutigaarpullu Håndboldskolemi peqataasussat amerlanerpaaffissaminnik amerlassuseqarumaartut. Tassalu meeqqat 45-t ilinniarfimmi peqataasinnaapput. Lillian Bjerge nammineq piumasutsiminik aaqqissuisoq taama oqaluttuarpoq.

Ukioq maanna Håndboldskole 1998-p 2000-illu akornanni inunngorsimasunut aaqqissuussaavoq.

-Assammik arsarneq siuarsarniarlugu taama aaqqissuussisoqartarpoq, taamaalilluni meeqqat assammik arsarnissaminnik soqutiginnilersinnaammata, Lillian Bjerge nassuiaavoq.

Nuummi Håndboldskolemi peqataaniartut 484106-mut sianerluitik nalunaarsinnaapput. Peqataaneq 350 Koruuninik akeqarpoq, peqataasullu tamarmik sungiusarnermi atisassanik, assammik arsarmik tunineqassapput. Ullunilu sungiusarfiusuni ullup qeqqanut nerisat naatsitallu aamma aaqqissuisunit tunniunneqartassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq