Håndboldimik pissartanngorniunnissaq
Assammik arsamik Kalaallit Nunaanni aappaagu unammisaqattaartitsinissat aaqqissuunnissaat kinguartinneqarallarpoq, GHF-ip siulersuisui septemberip 20-anni ataatsimiikkamik peqatigiiffinnut tamanut nalunaarput, taamalu meeqqat, inuusuttuaqqat inersimasullu nunatsinni pissartanngorniunnissaannik aaqqissussinissat pilersaarusiorneqanngikkallassapput, GHF-ip siulittaasua, Palle Jeremiassen tusagassiuutinut nalunaarpoq. Peqatigiiffiit ilisimatinneqarput aappaagu umiarsuartigut angallannermut pilersaarutit suli ilisimaneqanngimmata assammik arsamik unammersuarnissat pilersaarusiornissaat suli aallartinneqarsinnaanngitsoq, aatsaallu oktoberip ulluisa 16-anni GIF-p ataatsimeersuarnerata kingorna aaqqissuussineq aallartissinnaasoq. Palle Jeremiassen allappoq kinguarsaaneq ajuusaarnaqisoq, kisianni allatut ajornartumik taamaakkallartariaqartoq.
