Hvideruslandip præsidentiata qinersisitsinissani isumaliutigigaa
Præsidentitut atorfini sivitsorpallaarsimagunartoq, Hvideruslandip præsidentia, Aleksandr Lukasjenko, nutaarsiassaqartitsivimmit RIA-mit apersorneqarami oqarpoq.
Piffissamilu qanittumi qinersisoqarsinnaanera assortornagu oqarpoq. Siullermilli nunami naalakkersuinikkut aaqqissuussisoqassaaq. Lukasjenko nutaarsiassaqartitsivik RIA naapertorlugu taama oqartoq nutaarsiassaqartitsivik Reuters allappoq.
- Præsidentitut sivisuallaalaarunartumik atorfeqarpunga, Lukasjenko russit nutaarsiassaqartitsiviannut Tass-imut Ruslandimilu naalagaaffiup tusagassiorfiinut allanut oqarpoq.
AAMMA ATUARUK Hvideruslandimi illuatungiliuttut siuttuat Ukrainemut killeqarfimmi tigummigallagaalertoq
Lukasjenkop kisermaassilluni nunamik aqutsinera isumaqatiginagu akerliussutsimik takutitsisoqaraluaqisoq tunuarniannginnini aalajangiusimagaa, nutaarsiassaqartitsivik ritzau allappoq.
Russit radioaqarfianni, Moscow Talksimi, aaqqissuisuunerup Roman Babayanip Hvideruslandip aqutsisua apersorpaa. Lukasjenko atorfimminit tunuassaguni illersuisuni saassunneqarnissaat ernummatiginerarsimagai, Babayan Lukasjenko oqarpoq.
