Hurtigruten aningaasatigut ajornartorsiorpoq
Angalatitseqatigiiffilli akiliisinnaajunnaariartuaanngitsoq erseqqissaatigineqarpoq, taama angalatitseqatigiiffiup Hurtigrutip attaveqaqatigiinnermi pisortaa Ragnar Norum, radioaviisimut ullumi oqarpoq.
- Piginnittutta Sparebanken Nordnorge-p oqqarliorneratigut oqaaseq ”akiliisinnaajunnaarneq” oqaatigineqartooraluarpoq. Angalatitseqatigiiffitta aningaasatigut ajornartorsiulernera uuliap akiata qaffanneranik aammalu erniat akiinik peqquteqarpoq, piginneqatigiiffippulli bankimi taamannanik suli milliardiuteqarpoq, taamaattumik akiliisinnaajunnaalinngilagut, attaveqaqatigiinnermi pisortaq oqarpoq.
Taassuma aamma erseqqissaatigaa, umiarsuup takornariartaatip Fram-ip, Kalaallit Nunaannut takornariartitsisarneranut aningaasatigut ajornartorsiorneq tamanna ajoqutaanavianngitsoq.
- Aningaasaqarnerput qanoq ilillugu aaqqissanerlugu pilersaaruteqarpugut, Kalaallit Nunaannulli takornariartitsisarnerput allanngortinnavianngilarput, Ragnar Norum oqarpoq.
