Hudsonip aatsitassarsiorfissaa tunisassiulersinnaanissamut qanillilluinnarpoq
Aatsitassanik tunisassiorneq qanoq ingerlassanersoq kiisalu sanaartukkat suut sumiiffimmi tassani sanaartorneqassanersut piiaanissamut matusinissamullu pilersaarummi nassuiarneqarpoq.
Taamaattumik Hudson-ip aatsitassarsiorfissaata siunnerfimmi pisussaq aalajangiisuulluinnartoq anguaa tunisassiorsinnaalernissalu qanittuararsuanngorlugu.
Peqatigisaanik Hudson aningaasaqarnikkut toqqammavissaqarluarpoq suliassamullu aningaasaliisussarsiornermi aatsitassaatiminnillu pisisussaqarnissamik qulakkeeriniarnermi iluatsitsilluarsimalluni.
-Hudson-ip tunisassiornissamut matusinissamullu pilersaarutaannut ataatsimoorluta paaseqatigiikkatta naammagisimaartorujussuuara. Suliassartaasut sukumiisortai, Hudson-ip sanaartornermik tunisassiornermillu suliaqarnissaminik aallartissinnaanissaanut inissinneqartussat kisimik amigaataalerput.
AAMMA ATUARUK Greenland Venture piginneqataassutsinik milionilinnik pisisoq
Pilersaarutit taakkua ilaattut aamma paasivara Hudson-ip aningaasalersuinissap annertunerpaartaa inissitsereersimagaa. Kingullertigut oqaatigineqartoq tassaavoq Greenland Ventures-ip aktiaatinut aningaasassatut 20 mio. koruunit aningaasaliissutigisimagai.
Nunanit allanit aningaasaliisussat utaqqiinnarnagit kisiannili aamma uagut nammineerluta aningaasaliinernik annaasaqaataasinnaasunullu tapersiinerput aningaasaliisartunut nunanit allaneersunut takutitsineruvoq pitsaalluinnartoq.
Aatsitassanut Ikummatissanullu Naalakkersuisoq, Múte B. Egede tassunga atatillugu oqarpoq.
Aatsitassarsiorfissaq Kangerlussuup Kangerluata avannaatungaani inissisimavoq, Kangerlussuarmi nunaqarfiup mittarfeqarfiusup kujammut kitaani 60 km missaanni ungasitsigisumiilluni. Aatsitassarsiorluni misissuineq aamma piiaaneq aatsitassamut anorthosit-imut tunngavoq, ilaatigut glasfiberiliornermut atorneqartarluni.