Kinami nunap immikkoortuani mittarfiit qassiiusut ammaqqipput, killilersuinerillu tamarmik tallimanngornermi atorunnaarsinneqarput, Kinami angallannermut akisussaasoq, Wang Benju oqartoq nutaarsiassaqartitsivik AFP allappoq.Assi: AFP/Ritzau Scanpix

Hubei corona pillugu matoqqareerluni ammaqqittoq

Atuarfeqarfiit matoqqassapput, kisianni Hubei-imut Hubei-imullu angalaneq akuerisaalerpoq. Illoqarfik Wuhan suli matoqqatinneqarpoq.

Kinami nunap immikkoortua Hubei angallannermut killilersuinernit sukannersunit qaammatini marlunni eqqugaaqqasimavoq, innuttaasulli ulluinnarminut arriitsumik uteqqikkiartulerput.

Nutaarsiassaqartitsiviup Reutersip qimuttuitsut angalaqqilersimasut allaaseraa, angalasullu coronaviruseqanngikkunik maanna nunap immikkoortuanit tassungalu angalasinnaanngorput.

AAMMA ATUARUK Tamaat isigalugu: Coronavirus pillugu killiffik

Mittarfiit qassiiusut nunap immikkoortuani aamma ammaqqinneqarput, killilersuinerillu tamarmik atorunnaarsinneqarlutik, angallannermut akisussaasoq, Wang Benju oqartoq nutaarsiassaqartitsivik AFP allappoq.

Nunap immikkoortuani suliffeqarfissuit sulisutik piaartumik suliartoqqissasut aamma nalunaaruteqarfigaat. Atuarfeqarfiilli suli ammaqqinngillat.

Nunap immikkoortuani Hubei-imi millioninik innuttaasoqartumi Wuhanimi coronavirus aallartippoq. Wuhanillu apriilip arfineq-pingajuata tungaanut matoqqanissaa pilersaarutaavoq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7701
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 23-at 2020 nal. 10:45