Assi: Rigspolitiet

Huaweimi sulisut Danmarkimit anisitaasut

Oqarasuaatinik angallattakkanik tunisassiortup Kinaameersup Huawei-ip Københavnimi allaffeqarfiani sulisut marluk sulisinnaatitaanermut akuersissutinik misissuisoqareerneratigut anisitaapput. Københavnimi politiit DR Nyhederimut tamanna uppernarsarpaat.

Københavnimi politiit nunanit allaneersut pillugit nakkutilliisui kinamiut suliffeqarfiutaata Københavnimi allaffianut sisamanngormat misissuiartorput, inuillu sisamat pappiaraataat eqqunngitsut paasineqarpoq.

Inuit sisamat nunanit allaneersut pillugit inatsisip Danmarkimiissinnaanermut sulisinnaanermullu aalajangersagaanik unioqqutitsisutut pasineqartut, Københavnip politiivisa tusagassiisarfiat DR Nyhederimik ilisimatitsivoq.

Nunanit allanit nunasiniartunut aqutsisoqarfiup Huawei-imi sulisut marluk pisup kingorna anisikkai politiit paasissutissiipput.

Københavnip politiivisa misissuiartornertik suliarisartakkaminni nalinginnaasuunerarpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat