Hotel Arctic allineqalersaalerpoq

Suliffeqarfiit kalaallinit qallunaanilluunniit ingerlanneqartut Ilulissani ataatsimiikkumasarneri amerliartortut, qarasaasiakkut nutaarsiassanik angallannermut tunngasunik saqqummiussisartoq Travel People allaaserisarpoq.

Ilulissani Hotel Arctic-ip pisortaa Erik Bjerregaard oqarpoq suliffeqarfiit kalaallinik ingerlanneqarneqartut Ilulissani ataatsimiikkumanerusarnerat maluginiarsimagitsik.

Ataatsimiinnerminnik Ilulissani ingerlatserusuttut amerliartuinnarmata Hotel Arctic-ip, nunatsinni hotel-ini anginerpaamik ataatsimiittarfeqartup, ataatsimiittarfimminik alliliinissi isumaliutersuutingigaa Travel People allappoq. Hotelillu pisortaa radioaviisimut oqarpoq hotelip siulersuisuisa septembarimili alliliinissaq isummerfigisussanngoraat, allissutissarlu sananeqassaguni 2007-imi aggustimi naammassineqassaaq.

Hotel Arctic Air Greenlandimit pigineqartoq siorna 2004-mi skatti peereerlugu 1,9 mio. koruuninik iluanaaruteqarpoq, iluanaarutaasullu 52 procentii nunatta avataaneersut hotel-imi unnuisarneranneersut oqaatigineqarpoq. Hotelimi siorna unnuisut 7.500-pput, taakkunannga ataatsimiigiat 2.500-simallutik.

Ataatsimiigiaartartut ukiumut 4000-nngornissaat anguniarneqarpoq.