Hongkongimi sakkulisarlutik tillinniaqatigiit equutissianik tillittut
![](/sites/default/files/styles/image_934x467/public/article_images/20200208-131424-l-1920x1277we.jpg?itok=MFmNCkXQ)
Hongkongimi innuttaasut coronavirusimik tunillatsinnissaminnik ernumallutik ulluinnarni atortakkanik nioqqutissanik eqqanaarsarput.
Unnuaq sakkulisarlutik tillinniartut equutissianik hunnorujulikkaanik tillipput.
Virusi Illoqarfissuarmi pilersuinermut sunniuteqarnavianngitsoq naalagaaffimmit oqaatigineqareeraluartoq, equutissiat piumaneqarneruleraluttuinnarput.
Niuertarfinni ilitsiviit equutissianik ulikkaarlugit immerneqaraluarlutik ammaannaavittut ingerlaannaq nungunneqaqqittarput.
Lastbiilimik ingerlatsisoq equutissinianik ujajaaffigineqartoq
Equutissiat piumaneqarnerujussuisa saniatigut suaasat, pastat assannullu tarngutit tunillannartuiaatillit piumaneqarluarput.
Hongkongimi illoqarfiit ilaanni Mong Kokimi lastbiilimik ingerlatsisoq niuertarfiup silataani angutinit pingasunit ullaaq unitsinneqarsimasoq, politiit nalunaarutigaat.
- Angutit savilisarlutik equutissianik 900 koruunit pallillugit nalilinnik tillittut biilertoq uloriasaarsimagaat, Hong Kongimi politiit oqaaseqartartuat taama nalunaaruteqqarpoq.