Hollywoodimi filmiliorfissuit ajorsarput

Internetimiit inerteqqutaasumik kopiiliorneq pillugu Australiami tunngaviusumik eqqartuussivikkoortitsinermi Hollywoodimi filmiliorfissuit ajorsarput. Nutaarsiassaqartitsivimmi Ritzauimi tamanna allaaserineqarpoq.
februaarip 04-at 2010 13:29

Filminik TV-kullu nangeqattaartunik kopiiliorluni internetimut atassusiisartumut Hollywoodimi immiussisarfiit eqqartuussivimmut suliassanngortitsigaluarput.

Australiamili internetimut atassusiisartut annersaasa pingajuat, iiNet, eqqartuussivimmit ullumi pinngitsuutinneqarpoq, internetimummi atassusiisartoq filminik allanillu kopiiliortarnissamut akuersisimanngilaq, aammali tamatuma pinngitsoortinnissaanut periarfissaqarsimanani.

Filmiliorfissuit eqqartuussivimmut suliassanngortitsisut ilaatigut makkuupput: Warner Bros, Disney, Paramount, Columbia aamma Twentieth Century Fox. Inerteqqutaasumik kopiiliortartut internetimut atassusiisartunit pinngitsaalillugit kopiiliortarunnaartinniarneqarnissaat uani misilinneqaraluarpoq.