Hollandimiut aliasupput
Hollandip isikkamik arsaattartui VM-ertoqarnerani ajugaanniutivinnermut pingajussaanik anngupput, pingajussaanillu ajorsarlutik, tamannalu Hollandimiut akornanni aliasunnermik kinguneqarpoq.
Allattoq Nauja Møller
juulip 12-at 2010 05:19
Hollandimiut 1974-imi 1978-imilu VM-ertoqarnerani ajugaanniutivinnermi ajorsarput, ukiormannalu VM-ertoqarnerani Spaniamut 0-1-imik aamma ajorsarlutik.
- Oranjemut pingajussaannik ajutoorneq, aviisimi De Telegraafimi taama allaqqavoq, tassuuna ajorsarnerit siuliinut marlunnut innersuussillutik.
- Spaniamiut ajugaanniutivinnermi kakkappallaarput, tamanna unamminerup muminnerani aatsaat takutinneqaraluartoq, hollandimiut aviisianni Algemeen Dagbladimi taama allaaserinnittoqarpoq.
