Hollandimioq kodinik isissutissanik tuniniaasimasutut tigusarineqartoq
Arnhemimi Hollandimiittumi politiit tallimanngornermi taama ilisimatitsipput.
Angut tigusarineqartoq akilerneqarluni kodinik isissutissanik tillitanik internettikkut aallernissaminik neqerooruteqartarsimasoq, Arnhemimi politiit nalunaarumminni ilisimatitsissutigaat.
Qarasaasiakkut nalunaarsuutit tillitat qanoq ittorpiaaneersut imaluunniit kikkut eqqugaasimanersut, politiit ilisimatitsissutiginngilaat sulilu paasiniaanerarlutik.
Hollandimi oqartussat paasiniaarnerminni Tysklandimi, Amerikami Tuluit Nunaannilu oqartussat qanimut suleqatigaat. Amerikami naalagaaffiup politiivisa paasiniaasartuisa, FBI-p, nittartagaq kodinik tillitanik tuniniaaffiusimasoq, WeLeakInfo, atorunnaarallartippaa.