Hollandimi taarmoornerup kingorna meerartaartorpassuit

Ukioq kingulleq decembarip qaammataani hollandimi illoqarfiit ilaanni Maasdrielimi taggariinnarsuanngorpoq, qulimiguullip kallerup inneranut attaveqaat eqqortoormagu, taamaalillutik illoqarfiit qulingiluat akunnerni 50-ni kiassarneqaratillu taarmiuusariaqarsimapput.
novembarip 04-at 2008 08:11

Tamatuma kinguneraa qaammatip qulingiluat qaanngiummata, tassa septembarip qaammataani ernisimasut ukiumut siulianut sanilliullugit 44 procentimik qaffariarsimanerannik.

Nutaarsiassaqartitsivik AFP malillugu, Kommunip oqaaseqartittagaa, Annelis van Eijkeren oqarsimanerarneqarpoq, innuttaasut amerleriarsimammata kommunimit pisimasoq misigeqqinneqarnissaa kissaatiginanngitsuusoq.