Hodeidami sakkuaattoqangaatsiartoq

Yemenip kimmut sineriaani illoqarfimmi Hodeidami sakkuaattoqangaatsiarpoq. Tamaani peqqinnissaqarfimmi illersornissaqarfimmilu sulisut oqaatigaat inuit 149-t illoqarfimmi tassani akunnerit kingulliit 24-t ingerlaneranni toqutaasimasut.
Assi © : Rod Waddington / flickr / Creative Commons (CC BY-SA 2.0)
Allattoq Ritzau
novembarip 12-at 2018 11:16

Hodeida pikitsitsisunit Houthinit 2014-imili aqunneqarpoq.

Yemenimi naalagaaffiup sakkutuuisa umiarsualiviup nalaanut anngussimapput, tassanilu sakkuaattoqangaatsialerluni. Yemnimi naalagaaffiup sakkutuui Saudi-Arabiamiunit tapersorneqarput.

Saudi-Arabiamiut Hodeidap umiarsualivia maanna sivisuunngortumi assersorsimavaat. Umiarsualivik taanna nunamut ikiorserneqarnissamik pisariaqartitseqisumut pingaaruteqartorujussuugaluarpoq.

Saudi-Arabiap illuatungaani oqaatigaa Iranimiut, pikitsitsisunik Houthinik tapersersuisut, Houthit sakkussaannik Hodeida aqqutigalugu pilersuisuusut.

Hodeidap umiarsualiviata nalaani sakkuaannerit inuit najugaqarfiinut qanilliartussappata inuit qimaariarfissaqarsinnaannginnissaat ikiuiniaqatigiit ernummatigaat.

/ritzau/AFP/