"Hobbitten" filmiliarineqalerpoq

J.R.R.Tolkienip atuakkiaata ”Hobbitten”-ip filminngorlugu suliarineqarnissaa maanna qulakkeerneqarpoq, filmiliornermilu ingerlatsisuussaaq Ringenes Herremik filmiliortoqartoqarmat ilitsersuisuusoq Peter Jackson.

”Hobbitten”-imi pisut Ringenes Herremi pisut sioqqullugit pisimasuutinneqarput, filmiliortitseqatigiit New Line Cinema sivisujaamik isumaqatigiissusiorfigereerlugit Peter Jackson filmimik ingerlatsinissamik akuersivoq. Associated Press taama allaaserinnippoq.

”Hobbitten”-imik filmiliassamut kina ilitsersuisuussanersoq suli aalajangerneqanngilaq, immiussinerillu aappaaguagu aallartissapput. Filmi 2010-mi takuteqqaarneqassaaq, nanginneralu 2011-mi isiginnaarneqarsinnaalissalluni.

”Hobbitten”-imik filmiliap Peter Jacksonimit filmiliarineqannginnissaa New Line Cinemamit siorna aalajangiunneqareersorlu, oscarinnannikumit eqqartuussisulersuussineqarpoq.

Aaqqiagiinngissutit maanna qaangerneqareerput, Ringenes Herremillu filmiliat pingasuusut katillugit 3 milliardi dollarinik, tassa 15 milliardi koruunit missaannik isertitaqareersut oqaluttuarisinnaallutigu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat