Hjalmar Dahl: Sorsuutiginnissaagut

ICC oqartussaagaluarpat, Nunat Inuiisa Pisinnaatitaaffii pillugit Naalagaaffiit Peqatigiinni nalunaarutissatut siunnersuut oqaatsimik ataatsimilluuniit allanngortinneqassanngilaq. Siunnersuut aappaagu septembarimi isumaqatigiinniutineqaqqissooq.

- Oqaasertaanik arlaannilluunniit allannguisoqaraluarpat Nunat Inoqqaavinut sanngiillisaataassaaq, ICC-ip nunatsinni allaffeqarfiani pisortaq Hjalmar Dahl taama oqarpoq:

-Naalagaaffiit Peqatigiit 61-sissaannik ataatsimeersuarnerat aappaagu septembarimi aatsaat naassooq. Kinguartitsinermi aalajangersagaq imaqarpoq; ataatsimeersuarneq naatinnagu qaqeqqinneqassasoq aalajagiiffigineqarlunilu.

Nalunaarutissap akuerineqarnissaa, ICC-mit nunallu inuiisa allaffeqarfiannit sorsuutigissagitsik Hjalmar Dahl oqarpoq.

- Taamaattoqanngippat nunarsuaq eqqissinissap tungaatigut kinguariartorujussuussooq.

Nunat Inuiisa Pisinnaatitaaffii pillugit annertunerusumik tusagaqarusukkuit, knr.gl /Itisiliineq alakkaruk, tassanilu Itisiliineq tusarnaarlugu. Tassani aamma siusinnerusukkut aallakaatinneqarsimasut tusaqqinneqarsinnaapput.