Hjalmar Berglund toquvoq
Kalaallit Nunaata Radioani ukiorpassuarni timersornermi allatigullu aallakaatitassiortarsimasoq, Hjalmar Berglund ippassaq februaarip arfineq pingajuani 62-nik ukioqarluni toqukkut qimaguppoq.
Allattoq Aaqqissuisoqarfik / Redaktionen
Hjalmar Berglundip timersorluni pissartanngorniunnerni arlalissuarni oqaluttuusarsimanini ilisimaneqaatigaa, sinerissamilu angalasarnerpassuarnermigut ilisarisimasarpassuaqalersimalluni.
Hjalmar Berglundip aamma aallakaatitassiortarsimanermini inuppalaartumik oqaloqatiginnissinnaaneq pikkoriffigisimavaa, taamalu radiomi tusarnaartuuneq nuannersunngortittarsimallugu.
Hjalmar Berglundip meeqqani arlariit ukiorpaalunnilu inooqatigisani, qatanngutinilu arlallit, qimatarai, eqqarsaatigullu misiginneqataalluta taakkununnga ingerlatippavut. Hjalmar Berglundip eqqaaneqarnera ataqqinartuuli, KNR-mi aqutsisut allapput.