Hiv/aids atuarfinni paasisitsiniutigineqassapput
Nuummi atuartut annerit 9.-10. klasset Nunarsuarmi Aids-ip ullua pillugu sapaatip akunnerani matumani sammisaqartinneqarput.
Tallimanngorpat arlalinnik aamma pisussaqarpoq.
Nuummi atuartut annerit Atuarfik Samuel Kleinschmidtip Inersuani ullaap tungaani oqalugiarfigineqassapput, oqarlugiartuussallutik hiv-mik aids-imillu nappaateqartut Københavnimi palasiat Carina Wøhlk aamma nakorsaq Millie Rydbacken.
Taakku marluk, Karin Ladefoged peqatigalugu aamma Hans Egedep Oqaluffiani tallimanngorpat ualikkut tallimaniit naapinneqarsinnaassapput. Oqalugiartoqassaaq qinoqatigiittoqassallunilu.
Nunarsuarmi AIDS-ip ullua Ilulissani matunnartinneqassaaq ataasinngorpat decembarip arfernani Atuarfik Jørgen Brønlundip kantiinaani unnukkut arfineq-marluniit qulingiluanut.
Tassani HIV-eqartut palasiat Danmarkimeersoq Carina Wøhlk tuppallersaasarneq pillugu, aamma tunillanneqarsimasut imminut pisuutittarnerat kanngusuutaallu oqaluttuarineqassallutik.
Siuninnguagut pitsaaliuinermut siunnersorti Inger Bordbar saqqummiissaaq, ilaatigut dvd - hiv aidsillu nunarsuatsinni ajornartorsiutaanera takutinneqassalluni.
