HIV-tut Nuummi ornigassaqalerput
HIV-mik tunillanneqarsimasut Nuummi ullumi ornittagartaassapput. AIDS-ip ulluanut atatillugu HIV-mik tunillanneqarsimasut AIDS-imilluunnit napparsimalersimasut qanigisaasullu Narsarsuarmi Blok 6-mi ataatsimiittarfittaarput, qaammammut marloriarlutik ornissinnaasaminnik. Naapittarfittaami oqalugiartoqartassaaq eqqissisimaariartoqartarsinnaalluni. Nuup Kommuniata naapittarfiup atornera akilertassavaa.
Peqqinnissamut ikiorti HIV-millu tunillanneqarsimasunik sullissisoq, Malene Didriksen, ornittagaqalernissamut sulissutiginnittuuvoq.
AIDS pillugu takoqqusaarutai aviisitigut saqqummiunneqarsimasut atuagarlu HIV-mik AIDS-imillu oqaluttuartoq, inuusuttunut naatsorsuussaasoq maluginiarneqarsimassasut Paarisamit neriuutigineqarpoq. Paarisap aamma neriuutigaa atoqatigiinnermut tunngasut isertuanani oqallssutigineqarsinnaalissasut.
Nunatsinni HIV-mik tunillanneqarsimasut katillugit maanna 136-upput, taakkunannga angutit 100-t missaaniillutik, 36-t arnaallutik. AIDS-mik toqquteqarturt 47-uupput.
