Kangia Qiterlermi uuliap akiata apparnera aarlerinartoq
Uuliap akitsornera oqaluttuarisaanermi aatsaat taama qaffatsigaaq.
- Uulia aatsaat taama niuerutigineqartoq annikitsigaaq, nukissiuutit pillugit nunat tamalaat nalilersuisarfianiit IEA-miit oqarput.
Tamatuma saniatigut Saudi-Arabiami uuliasiorfissuarnut marlunnut saassussineq nunarsuarmi tamalaani akunnaattoorsimaalernissamut ernumasitsivoq, USA-p timmisartuusianik inuttaqanngitsunik saassusinermut Iran pisuutimmagu.
Saudi-Arabiami saassussinerit, tamaani pissutsit uloriarnarneruleriartornerannik kinguneqarsinaasoq, Tysklandimi nunanut allanut tunngasunut ministeri, Heiko Mass oqarpoq.
- Kikkut saassussisuunersut misissuleruttorparput, Mass oqarpoq.
Saudi-Arabiami uuliasiorfissuarnut arfininngornerup unnuaani saassussinerit pissutigalugit Saudi-Arabiap uulia tunisassiani affaannanngortittariaqarsimavaa. Nunarsuarmi tamarmi uulia tunisassiarineqartoq taama mikitiginngisaaannarsimavoq.
uulia Europami ataasinngornermut unuaani tuniniarneqalermat, sekundini siullerni 12 dollarimik akitsorpoq.
Uulia Nordsømeersoq 20 procentit missaannik akitsorpoq.
Tassalu dollarimik uuttorlugu uuliamik nioqquteqarnermi isumaqatigiissutit 1988-imi atuutilerneraniilli ullup ataatsip ingerlanerani aatsaat taama qaffatsigivoq.
Saudi-Arabiap uuliamik nioqqutissiornerminik affaannanngortitsimmat nunarsuarmi ullormut 5,7 millioninik qattanik uuliakinnerulerpoq.
Pisoq Islamisiortut 1979-imi Iranimi pikisitsinerani aamma USA-p Kuwaitiamik 1990-imi tiguaanerani uuliamik nioqqutissiornerup apparneranik qaangiivoq.
