Hinnarik kitaani nuannarineqarluarpoq
Hinnarik pillugu quiasaarusiatut filmiliaq kitaani illoqarfinni assigiinngitsuni takutinneqaqattaarpoq.
Allattoq Louise M. Kleemann
maajip 05-at 2010 09:24
Filmi Ilulissani takutinneqarmat inuit 330-t isiginnaariarput, Aasianni isiginnaariat 422-iupput, Maniitsumilu isiginnaariat 450-iullutik.
- Kisitsisit ajorisassaanngillat, Aka Hansen, Tumit Productionimi fiilmiliortuusoq, nuannaarluni oqaluttuarpoq.
Filmimi inuttaasoq, Angajo Lennert-Sandgreen filmip illoqarfinni assigiinngitsuni takutinneqarnerani peqataavoq, tamannalu isiginnaarianit alutorsaatigilluarneqarpoq.
Filmi Narsami Qaqortumilu aamma takutinneqassaaq.
