Assi: Robert Nunn/Flickr Creative Commons

Himalayami sermit aakkiartornerat ernumanartoqartinneqartoq

Nunarsuarmi sermersuaqarfiit annersaasa pingajuat, tassa Himalayami qaqqarsuit, ukiuni makkunani allanngoriartorfiungaatsiarpoq.

DR.dk taama allaaserisaqarpoq.

Tamaani sermersuit 1970-ikkunnili maannamut 15 procentinik annikilleriarsimapput, sermersuillu ukiuni qulikkaani tulliuttuni aakkiartornerunissaat ilimagineqarpoq.

Nunarsuummi kiatsikkiartornera siunissami maannakkutut ingerlaannassappat Himalayami sermersuit pingajorarterutaat ukioq 2100-mi aassimassapput, tamannalu kingunipiloqarsinnaasoq nalunaarusiami nutaami inerniliunneqarpoq.

- Ukiut tallimat ingerlaneranni misissuisoqarpoq, Himalayamimi ajornartorsiutinik ersersitsimmata pimoorunneqartariaqarput, silasiortoq, silallu pissusianik immikkut ilisimasalik Jesper Theilgaard oqarpoq.

Nunarsuup immikkoortuani matumani innuttaasut amerlanerat taassuma eqqaasitsissutigaa, Himalayallu imermik pilersuisuuneranik isumalluuteqarmata ajornartorsiut pimoorunneqartariaqarsoralugu.

Immikkut ilisimasallit 200-t sinnerlugit nalunaarusiortuupput, inernerillu taakku quarsaarutigalugillu aalassassimaarutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat