Hillary Clinton præsidentissarsiornermi qinigassanngortinniarpoq
Amerikami Demokratit senatoriat arnaq Hillary Rodham Clinton 2008-mi præsidentissarsiornissami qinigassanngortinniarluni aalajangernini, nittartakkamini ullumi nalunaarutigaa. Hillary Clinton qinigaassaguni amerikami arnani siullersaalluni præsidentinngorsinnaavoq.
- Ilaana peqataassaanga. Ajugaanissara siunniuppara, Hillary Clinton 59-inik ukioqartoq videomut immiunneqarluni oqarpoq. Peqatigitillugu nalunaarutigaa, præsidentinngornissamut qanoq periarfissaqartiginerminik misissuisussanik komitéliussalluni.
Hillary Clinton præsidentinngussagaluaruni, tassaassaaq præsidentiusimasumut aappaasut præsidentinngortut siullersaat. Hillary Clintonip uigaa Bill Clinton.