Hillary Clinton: Demokratit ataqatigiillutik præsidentinngortitsiniassapput

Hillary Clinton tiguartinnartumik oqalugiarnermini qanoq isumaqarnini kimillu illersuinerluni naqissuserpaa, imminillu tapersersuisorpassuit sulilu allanik tapersersugaqarusungitsut eqqissisaqqaarlugit. Siornatigut arlaannarpulluunniit tapersersorsimagaluarussiuk, maanna piffissanngorpoq ataqatigiilluta qineqqusaartitatsinnik tapersersuinissarput, Hillary Clinton oqarpoq. Tapersersortinilu inisseriarlugit illuatungiliuttumut Republikanerineersumut, John McCainimut akerliunini erseqqissumik saqqummiullugu. USA-mut isigininneq pissutsillu ajortivissussanngippata, George Bushitut ingerlatsiniartumik ukiuni tulliuttuni sisamani præsidenteqarsinnaanatik Hillary Clinton oqarpoq.

Barack Obama tapersersorpara, Clinton erseqqissaavoq. Demokratillu partiiat sanngiillisimasutut oqaatigineqassagaluarpat Hillary Clinton katsorsaasutullusooq inississinaavoq, taamatullu sunniuteqarsinnaanini atorluarpaa.