Hilary eqqaamanerliorsimanerarpoq

Amerikami præsidentimut qinigassanngortittup Hillary Clintonip qanittukkut oqaatigaa ukiut aqqaneq-marluk matuma siorna Bosniamut uinilu tikeraaramik, eqqaassisut akornannut tikissimallutik assullu annikilliornarsimasoq.
Allattoq Louise M. Kleemann
marsip 26-at 2008 07:26

Maannali tamanna pillugu eqqaamanerliorsimanerarpoq.

Uia præsidentiusimasoq Bill Clinton nulii ilagalugu 1996-imi Bosniamut tikeraarput, taamanilu assit takutippaat Hillary Clintonip oqaluttuaaniit eqqissimanerujussuarmik pisoqarsimasoq.

Hillary Clinton ingasattajaarluni oqaluttuarsimavoq, taamani Bosniamut mikkamik eqqaassisut akorngannut missimallutik allaat isertortunik eqqaassisoqarsimasoq. Allaallu nalliuttorsiorpaluttumik tikilluaqquneqarnissaraluartik kinguartinneqartariaqarsimasoq, inuit tamarmik aallaaneqaqinagamik peqillutik arpaannaq biiliminnut ikiartupallattariaqarsimammata.

TV-kkulli assilisat allarluinnarmik takutitsipput, tassami filmiliarineqarsimavoq Hillary Clinton timmisartumiit niugami qungujulaannguarluni inunnut aalaterisoq. Inunnillu niuffiortunit ilassilluarneqartoq niviarsiarannguullu parsiarlugu naasunik tunigaa.

Hillary Clintonip eqqaamanerliorsimanini maanna ajuusaarutiginerarpaa.

Illuatungerisaasalu maanna sallutuujunerarpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq