Hilary Clinton: Irakimi ajugaasoqarnavianngilaq

Irakimi sorsunnermi ajugaasoqarnavianngitsoq amerikamiulli 5000 milliarder koruuninik aningaasartuuteqarnerannik kinguneqaannassasoq USA-mi demokratit sinnerlugit præsidentinngorniuteqataasoq Hillary Clinton, Irakimi sorsunnermut ukiut tallimat matuma siorna aallartittumut eqqaaniaanermini, oqarpoq.

Clintonip, sorsunnissamut akuerseqataasup oqalugiarnermini republikanerit præsidentinngorniunnisamut sassartitaat, John McCain isornartorsiorpaa, oqarluni taassuma amerikamiut Irakimiitiinnarniarsarigai.

Ilanngullugu Clintonip unammillertimi Barack Obamap qaammatit 16-t tulliuttut ingerlanerini sakkutuunik angerlarartitsiniarluni oqarnera apeqquserpaa.

Namminerli neriorsuivoq, præsidentinngussaguni ivertinneqarnerminiit ullut 60-t qaangiutsinnagit sakkutuut angerlarartinneqalernissaat sakkutooqarnermut siunnersortiminut pilersaarusiortikkumaarlugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat