HHX-imi naammassisut siornarnit amerlanerusut

Ilinniarnertuunngorniat 27-it aamma sapaatip-akunnerata tulliani nasartaassapput. Pineqarput HHX Qaqortumiittumi aamma HTX Sisimiuniittumi atuartut.

Nuummi, Aasianni Qaqortumilu Ilinniarnertuunngorniarfiit 76, 50 aamma 33-inik, katillugit 159-it,i ilinniartut misilitsinnerminni tamarmik angusissappata nasartaassapput.

Qaqortumi niuernermik ilinniarnertuunngorniarfimmi, HHX-imi, aqqanillit aqqaneq-marlulluunniit naammassissapput, aallartikkamik 35-iusimallutik.

Forstander Torben Hansen ilisimatitsivoq, siorna allagartartaartunit marloriaammik amerlanerusut.

- Ilinniartuutivut angusaqarusussuseqarnerupput katataasullu ikiligaluttuinnarlutik, Torben Hansen nuannaaqaluni oqarpoq.

Teknikkimut tunnganerusumik Ilinniarnertuunngorniarfimmi Sisimiuniittumi siunnersorti, Dorthe Kathrine Olsen, oqarpoq, nasartaartussaatitik 15-iussasut, arnat pingasut angutillu aqqaneq-marluk, siorna 17-iupput.

- Karakterit qaffasinnerupput. Naatsorsuutigaarput aappaagu naammassisut amerlanerussasut, aappaagumi naammassisussat klassit marluupput.

HHX-imi HTX-imilu marlunngorneq juunip ulluisa 20-anni allagartartaartitsisoqassaaq.