Herstedvesterimiittut nuannaarput
Eqqartuussinermut inatsit nutaaq Herstedvesterimi paarnaarussivimmi paarnaarussanit aamma nuannaarutaavoq. Kalaallit Nunaanni paarnaarussivik matoqqasoq ukiorpanni amigaataasimavoq, taamaalilluni kalaallit Herstedvesterimi paarnaarussivimmiittut pillaatissinneqarnertik angerlarsimaffimminniit 4.000 kilometerinik ungasitsigisumi atortassanngikkaluarmassuk.
Allattoq Najaaraq Egede
apriilip 08-at 2008 17:52
Tarnip pissusaanik ilisimatooq Lone Juul Rasmussen ulluinnarni kalaallit Herstedvesterimi paarnaarussat sullittarpai, isumaqarlunilu inatsit kalaallit paarnaarussat inuiaqatigiinnut kalaallinut uteqqinnissaannut ajornannginnerulersitsissasoq.
- Danmarkimi pineqaatissinneqarsimalluni ilaquttanut attaveqarnissaq assorsuaq ajornakusoorpoq aammattaarli Kalaallit Nunaanni inuiaqatigiit akornanni susoqarnersoq malinnaaffigalugu, Kalaallit Nunaannilu parnaarussaasoqartalerpat inuiaqatigiit akornannut uternissaq ajornannginnerujussuussaaq, Lone Juul Rasmussen isumaqarpoq.
Nuummi paarnaarussivik matoqqasoq ukioq 2012-mi piareersimassasoq naatsorsuutigineqarpoq.
