Assi: Anstalten ved Herstedvester

Herstedvesterimiittunut akeqanngitsumik angalasarnerit atorunnaarsinneqartut

Danskit naalakkersuisui, Socialdemokraatit Dansk Folkepartiillu pinerlussimasunik isumaginnittoqarfik pillugu nutaamik marlunngornermi isumaqatigiissuteqarput. Taakkulu kalaallinut Herstedvesterimiittunut kingunerluuteqassapput.

Nuummi pinerluuteqarsimasunut inissiisarfissaq ammarpat kalaallinut isersimasunut piumasaqaatit allanngornissaat isumaqatigiissutigineqartoq, isumaqatigiissummi atuarneqarsinnaavoq.

Kalaallit pinerluuteqarsimasut Herstedvesterimiittut nunatsinnukarsinnaanissamut ullumikkut akuersissuteqarfigineqarsinnaapput. Malittarisassat ullumikkutut itsillugit pinerlussimasunik isumaginnittoqarfiup angalanermut aningaasartuutit akilertarpai.

Pinerluuteqarsimasorli nunatsinnukarusunngikkaanga qanigisai ukiumut ataasiarlutik Danmarkiliarsinnaatitaapput.

Isumaqatigiissutilli nutaat naapertorlugit, Nuummi pinerluuteqarsimasunut inissiisarfik 2019-imi ammarpat taakku atorunnaarsinneqassapput.

AAMMA ATUARUK Herstedvesterimi isertitat pillaatissartik sumi atussanerlugu nammineq toqqassavaat

Pinerluuteqarsimasunut inissiisarfissaq ammarpat kalaallit Herstedvesterimi parnaarussivimmiittut nunatsinnut nuukkusunnerlutik namminneq aalajangersinnaatitaavaat. Siunissamili nunatsinni eqqartuunneqartut tamarmik nunatsinniittussatut pineqaatissiissuteqarfigineqartassapput.

Pinerluuteqarsimasunulli inissiisarfik ammarpat Herstedvesterimiittunut pissutsit qanorpiaq inissinneqassanersut suli nalunarput. Herstedvesterimiittut Nuummut nuunnertik peqqissimissutigisinnaasariaqaraat, Inatsisartut isumaqarput.

Tamatuma saniatigut Inatsisartut kalaallinut Herstedvesterimiittunut immikkut neqeroorutit soorlu kalaallisut naalagiarneq kalaallit nerisassaataat neqeroorutigineqaannartariaqarsoraat. Tamanna inatsiseqarnermut ministereqarfiup inatsisissatut siunnersuutaanut akerliuvoq.

Herstedvesterimi inissinneqarsimasunut malittarisassat nutaat Folketingimi tulliani oqallisigineqassapput.

AAMMA ATUARUK Herstedvesterimi isertitat pillaatissartik sumi atussanerlugu nammineq toqqassavaat

AAMMA ATUARUK Indsatte drøfter muligheden for at vende hjem

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat