Herstedvesterimiinnikut misissuivigineqarlik

Inatsisartut inatsisinik atortitsinermut ataatsimiititaliaata Naalakkersuisunut inassutigaa, Herstedvesterimi paarnaarussaasimasut inuiaqatigiit akornanni inooqataaqqileraangamik qanoq ingerlasarnerisa misissuivigineqarnissaat Naalakkersuisut aqqutissiuutissagaat.

Inatsisartut inatsisinik atortitsinermut ataatsimiititaliaata nassuerutigaa Herstedvesterimi paarnaarussat aninguereeraangamik qanoq inuuneqalertarnerisa misissuiviginissaa pisariaqartoq, Herstedvesterimi paarnaarussaasimasut inuiaqatigiinni inooqataaqqileranngamik atugaasa ilisimasaqarfiginnginnerat inuttut atukkatigut aningaasatigullu akisoorujussuusassasoq qularineqanngimmat. Ataatsimiititaliaq isumaqarpoq misissuinissaq isumassarsiatsialaasoq. – Iliuutsit suliniutillu iluatsittut iluatsippallaanngitsullu paasigutsigit, Herstedvesterimi paarnaarussat inuiaqatigiinni inooqataaqqilernissaannut iliuusissagut ersarinnerulissapput, inatsisartut inatsisinik atortitsinermut ataatsimiititaliaa isumaqatigiilluni allappoq.