Herstedvesterimi parnaarussaasimasut ujartorneqarput
Danmarkimi parnaarussivimmi Herstedvesterimi paarnaarussaasimasunik, taakkualu ilaqutaannik ikinngutaannillu, oqaloqatissaminik ilisimatooq ujartuivoq. Aviisip Sermitsiap nittartagaani taama allaaserinnittoqarpoq.
apriilip 30-at 2008 05:31
Norgemiu, pinerluttulerinermik ilisimatooq,
Evy Frantzen, ilisimatuussutsikkut suliaqarnerminut atatillugu Herstedvesterimi maannakkut parnaarussaasunik oqaloqateqarnissaminik akuerineqarsimavoq. Herstedvesterimi parnaarussat anisitaanerminnit inuiaqatigiinnut akulerunnissaannut piareersarnerat, tamatumalu kingunera, misissuinermi qulakkeerniarneqarpoq.
Kalallit Nunaanni matoqqasumik parnaarussiveqalerpat, parnaarussat anisitaanerannit inuiaqatigiinnut akulerutsinneqarnissaannut periusissat pillugit apeqqut misissuinermi akissutissarsiniarneqarpoq.
Misissuinermi qaloqatigineqartussat kinaassutsiminnik isertuussisinnaasut erseqqissarneqarpoq, neriuutigineqarporlu missuinermi peqataarusuttut tamarmik attavigineqarumaartut.
