Hermann: Kangerlussuaq matuneqassanngilaq

Nunaqarfik Kangerlussuaq ineriartorluarpoq. Taama allappoq, Qeqqata Kommuniani borgmesteri, Hermann Berthelsen, Inatsisartunut qinersinermi kingullermi, Siumut sinnerlugu qiningassanngortittup, Lars Jørgen Kleistip apeqqutaanut.

 

Siumut sinnerlugu qiningassanngortinnikup, Lars Jørgen Kleistip  Kangerlussuup matuneqarnissaanik pilersaaruteqartoqarnersoq, tusagassiutinut nalunaarummini juulli sioqqutitsiarlugu allakkamini apeqqutigaa.

 

- Kangerlussuup matuneqarnissaanik eqqarsartoqanngilaq, illuatungerluinnaanilli ineriartortitsiniarpugut, Qeqqata Kommuniani borgmesteri Hermann Berthelsen allappoq.

 

Taanna allakkamini akissutigalugu allappoq, Kangerlussuarmi talittarfimmik nutaamik pilersitsinissaq pillugu kommuni naalakkersuisooqatigiillu akunnerminni ataatsimoortumik paaseqatigiinnissamik isumaqatigiissuteqartoqareersut, taamaalilluni Kalaallit Nunaata Avannaanut kitaanullu umiarsuarnik takornariartaatinik amerlanerusunik Kangerlussuarmut tikittoqartalernissaa neriuutigineqarluni.

 

Aamma atuaruk Sanaartugassanut aningaasaliinerit amerlineqarnissaat Hermann Berthelsenip ujartorpaa

 

Tamatumalu saniatigut, Sullualuup siunissami aqqutigineqalernerani aningaasanik isertitassatigut pissarsiaqaataanissaa anguniarneqarluni.

 

- Naalakkersuisut siulittaasuat, Kim Kielsen siuttoralugu, naalakkersuisunik ataatsimeeqateqarnissatsinnik aggersaareerpunga, tassani oqaluuserissavarput, Kangerlussuup inuussutissarsiornikkut periarfissarpassui, Borgmester Hermann Berthelsen tusagassiutinut nalunaarummini taama allapoq, nangillunilu:

 

- Soorlu assersuutigalugu takornariaqarneq, biilinut misileraavik, nassiussalerivik, UNESCO-p nunarsuarmioqatigiinnut kingornussassatut toqqai minnerunngitsumillu Sisimiut Kangerlussuullu akornanni aqqusinniornissaq pillugu oqaloqatigiittoqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat