Hermann Berthelsen uteqqippoq

Aningaasaqarnermut Akileraartarnermullu Ataatsimiititaliaq ullumi nutaamik inissitsiterpoq, ataatsimiititaliamilu Hermann Berthelsen toqqagaaqqilluni.

- Ataatsimiititaliap suliarisai pissanganartuaannarput soqutiginarlutillu. Aamma inatsisartunut suleriaatsinullu assigiinngitsunut malinnaanarluni, taamaammat nuannaarutigisorujussuuara tassunga ataatsimiititaliamut uteqqinnera. Siulittaasutullu aamma toqqagaaqqinnera nuannaarutigaara, Hermann Berthelsen oqarpoq.

Ataatsimiititaliami maanna issiasut tassaalerput Hermann Berthelsen, Jess Svane Karl Kristian Kruselu Siumumiit. Inuit Ataqatigiinniit Múte B. Egede aamma Aqqaluaq B. Egede. Demokraatiniit Niels Thomsen Partii Naleqqamiillu Jens Napaatoq.

Taakkulu sulissutissaraat:

- Naalakkersuisut suliaatigut assigiinnitsutigut, ataatsimiititaliap tungaaninngaaniit nakkuitiginninnerput aamma aningaasatigut ingerlariaatsit assigiinngitsut ingerlanneqarnerisigut aamma malinnaaqqissaassasugut suliassagut taanna aqqutigalugu ingerlattassallutigu, Hermann Berthelsen oqarpoq.