Herman Van Rompuy Belgiami ministeriuninngorpoq
Belgiami ministeriunerusimasoq Yves Leterme ullut 14-it matuma siornatigut tunuarniuteqarpoq.
Belgiami naalakkersuisuugaluartut ministeriunermit Yves Letermemit siulersorneqartut juullip siuninnguagut ajalusoorput, tassa eqqartuussiviit qullersaanit oqaatigineqarmat, aningaaserivissuup Fortisip akiliisinnaajunnaarneranut atatillugu naalakkersuisut eqqartuussiviup inerneranut sunniiniarsimasutut oqaatigineqarmata.
Rompuyip naalakkersuisussatut toqqagai inatsisartuni taasissutigineqarmata 88-it akuersipput 45-llu akerliullutik.
Belgiami aningaasarsiorneq ingerlanerliorpoq naalakkersuisunngortunillu aaqqiivigineqartariaqassalluni.