Herman Berthelsen ukiuni sisamani ingerlaqqissaaq

Qeqqata Kommunia qinersisartut borgmesteri Herman Berthelsen qasusuilluni nunatsinni kommunerujussuit minnersaanni sullissineranut qujaniarfigaat. Berthelsenip nammineerluni taaguut taanna atorlugu kommuni saqqumilaalersinniarsimavaa.
apriilip 02-at 2013 22:45

Qeqqata Kommunia qinersisartut borgmesteri Herman Berthelsen qasusuilluni nunatsinni kommunerujussuit minnersaanni sullissineranut qujaniarfigaat. Berthelsenip nammineerluni taaguut taanna atorlugu kommuni saqqumilaalersinniarsimavaa.

Borgmesterip partiiatalu Siumup qinigaalluarneratigut aamma Qeqqata Kommuniani borgmesteritaqarnera ukiuni sisamani ingerlaqqiinnassaaq, borgmesterilu maanna issiasoq 500 missaannik taaguunneqarpoq.

-Kommunimi innuttaasunit tatigineqarnermik takutitsivigineqarnertut isigivara. Kommunip angissuusaata aamma annerusumik ajornartorsiutitaqanngitsumik assigiinngitsunik suliaqarsinnaalersissimavaatigut. Partiimi oqaloqatigiissaagut ukiunilu aggersuni susoqassanersoq eqqartorlutigu. Kommunalbestyrelsimut ilaasortanngortussat qinigaasinnaanermut ataatsimiititaliamit akueriteqqaassavagut, tassanngaanniillu sulinerput aallartikkumaarparput, borgmesteri Herman Berthelsen tanngassimaarluni oqarpoq.