Herkules C 130 Kangerlussuarmi minneq sapileraluartoq
Allattoq Carla Davidsen
juulip 13-at 2005 17:14
Timmisartorsuaq Herkules C 130 Thulemiit Kangerlussualiarluni sisoraataata aappaa napisimalluni Kangerlussuarmut unnummut arfineq-marlunngulernerani minneq ajuleraluarpoq. Qatserisartut, amerikamiut mittarfeqarfianni sulisut allarpassuillu timmisartorsuup minniarnerani upalungaarsimarrakkaluarput. Suleqaterput Svend Svendsen oqaluttuarpoq, namminneq Sermersuarmut immiussiartoreerlutik akunnittarfimmut apuullutillu, kikkut tamarmik aniatinneqarsimasut, ajutoortoqassagaluarpat napparsimmaveeraq piareersimalluinnartussaammat. Paasisavut naapertorlugit qujanartumik ajutoortoqanngilaq.