- Siumut siulersuisuunerinit ippassaq unnukkut (ataasinngorneq aaqq.) allagarsivunga Siumumi ilaasortaanera nangissinnaassagiga, tusagassiuutinut naqqiisuteqarsinnaaguma aammalu Siumup Siulersuisuunerinut, Henrik Fleischer tusagassiuutinut nalunaarummi allappoq.Assi: KNR

Henrik Fleischer: Siumumiiginnassaanga

Henrik Fleischerimut tunngatillugu paatsungaasoqaannarpoq. Taassuma naak tatiginnikkunnaarnermik nalunaaruteqartoqaraluartoq Siumumiiginnarsinnaatitaanini maanna paasissutissiissutigaa.

Henrik Fleischer Siumumuuginnassaaq. Tamanna tusagassiuutinut nalunaarummi nammineq allappaa.

- Siumut siulersuunerinut saaffiginnissuteqarnikuuvunga allagarisimasara siunertarinngilluin-nakkannut sangusoq utertillugu, Siumumilu ilaasortaasimanerma uterteqqinneqarnissaa qinnutigalugu, Henrik Fleischer allappoq.

AAMMA ATUARUK Lokale siumutter om ballade: Det er som om, partiet koger indefra

Nangillunilu: 

Suliaq naatsumik

- Inatsisartut aalisarnermut ataatsimiititaliaata aalisarnermut naalakkersuisoq Jens Immanuelsen (S) tatigiunnaarlugu Henrik Fleischer siuttoralugu tusagassiuutinut pingasunngornermi februaarip 19-iani nalunaarutigaat.

- Henrik Flerischer (S) Aalisarnermut ataatsimiititaliami siulittaasuuvoq. Taannalu ataatsimiititaliami kisiartaalluni tatiginnikkunnaarnermik nalunaarummik atsiortuuvoq.

- Taamatut pisoqareernerata kingorna Henrik Fleischer Siumumi ilaasortat ilaannit isornartorsiorneqarpoq.

-Sermitsiaq.ag-p Henrik Fleischer Siumumit anisitaasimasoq sapaatip-akunnerata naanerani allaaseraa. Tusagassiorfiup tusarfik kinaassutsiminik isertuussisoq paasissutissiisoraa.

- Siumut siulersuisuunerinit ippassaq unnukkut (ataasinngorneq aaqq.) allagarsivunga Siumumi ilaasortaanera nangissinnaassagiga, tusagassiuutinut naqqiisuteqarsinnaaguma aammalu Siumup Siulersuisuunerinut, Henrik Fleischer tusagassiuutinut nalunaarummi allappoq.

Sermitsiaq.AG-p tusarfiata oqarnera naapertorlugu Inatsisartuni siulittaasoqarfik Fleischerip Siumumi ilaasortaajunnaarneranik paasineqarsinnaasumik ilisimatitsissummik allagarsivoq.

Pisoq tamarmi nassuiaasilluarnikkut oqaloqatigiittoqarneratigut aaqqiivigineqarsinnaasumi paasinerluiffiusimasoq, Henrik Fleischerip KNR-imut oqaatigaa.

Taassuma suliami akuuffigisaminik ilaajunnaarsinneqarumanera partiimit aniniarnermut piumasaqarnermik paasinerlunneqarsimasoq, tusagassiuutinut nalunaarummi allappaa.

Henrik Fleischerimut tunngastillugu ullumi kingusinnerusukkut aalajangiisoqassasoq, Siumumit tusarfiup ullumi siusinnerusukkut oqaatigaa.

KNR-ip Henrik Fleischer Siumullu siulersuisui oqaaseqartinniarsarai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat