Henningsen: Naalakkersuisut nunani avannarlerni suleqatigiinneq pimooruttariaqarpaat

Nunat Avannaamioqatigiit Siunnersuisoqatigiivi Norgemi illoqarfiit pingaarnersaanni Oslomi ulluni makkunani ataatsimiipput, Nunatsinniillu peqataasut tassaapput Juliane Henningsen IA-meeersoq Kim Kielsenilu Siumumeersoq. Siunnersuisoqatigiillu 65-issaanik ataatsimiinnerat Inatsisartunut ilaasortat pissarsiffigilluarsimavaat, Henningsenilli Naalakkersuisut nunani avannarnerli suleqatigiinnermut ministerit akornanni peqataatitaqannginnerat paasisinnaannginnerarpaa.
Allattoq Peter Troelsen, Simon Uldum
oktobarip 31-at 2013 06:42

Maanna naalakkersuisuusut nunani avannarlerni suleqatigiinneq pingaaruteqarnerartuarpaat, piffissanngormalli Nunat Avannaamioqatigiit Siunnersuisoqatigiivini politikerit ministerillu ataatsimiinnissannut peqataanissaq pingaartinneqarani.

-Nunat suleqatigisatta tamarmik ministeriminnik peqataatitaqarlutik suleqataanerat pitsaavoq, tulliani nunatsinnit Naalakkersuisut peqataasariaqarput. Taamaaliunngikkunik, maannamut periuserilersimasartik attatiinnassavaat; tassalu namminneq oqariartorfeqarsinnaallutik - killormulli aperineqarsinnaanatillu akineqarsinnaannginnertik ilisarnaatigilersimavaat. Suleqatigiinneq oqaloqatigiinnerlu qaninnerusoq anguniarlugu, suliassanut tunniusimaneq annerusariaqarpoq; aamma nunatta avataani, Juliane Henningsen oqarpoq, naggasiutigalugulu Naalakkersuisunut ilaasortat nunan i avannarlerni suleqatigiinnermik pimoorusseqqullugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq