Tysklandimi kansleriusimasoq Helmut Kohl siullersaalluni EU-mit pisortatigoortumik eqqaaniarneqarpoq.
Helmut Kohl nunaminut asannittuusimavoq tysklandillu Europamut atasuunissaa sulissutigisimallugu, EU-kommissionip siulittaasuata Jean-Claude Junckerip oqaatigaa.
Taanna kansleriusimasumut arfininngornermi eqqaaniaanermi oqalugiartut ilagaat.
Helmut Kohl 87-inik ukioqarluni juunip 16-ani toquvoq. 1980-ikkunni kansleriuvoq Berlinimilu qarmarsuup uppisinneqareernerani tysklandit marluk kattuteqqinnerata nalaani naalakkersuisunut siulittaasuulluni.
Europami inatsisartut eqqaaniaanerat, Kohlip kissaatigisaa malillugu, franskit illoqarfiisa ilaanni Stratsbourgimi pivoq.
Tysklandip kanslerianit, Angela Merkelimit, Frankrigillu præsidentianit, Emmanuel Macronimit, tassani aamma nersorneqarpoq.
- Kohlip Europami inuppassuit millionilikkaat inuunerannik, taakkunannga uanga aamma inuunernik, allannguisuuvoq, Merkel oqarpoq.
