Hells Angels Islandimeeqqunngilaat

Norgimi Hells Angelsikkut pisortaat, Leif Ivar Kristensen, Islandimut tikikkaluarluni tigusaavoq nunamiillu anisitaalluni. Leif Ivar Kristensenip Island eqqartuussivilersuunniarpaa. Nutaarsiassaqartitsivimmi Ritzauimi tamanna atuarneqarsinnaavoq.

Leif Ivar Kristensenip eqqartuussissuserisua, Morten Furuholmen, Islandimi TV-qarfimmit apersorneqarluni oqarpoq, Norgimi Hells Angelsikkut pisortaata pineqarnera tuppatigigini. Leif Ivar Kristensen timmisartumiit Oslomeersumit anisorlu tigusarineqarpoq.

- Leif Ivar Kristensenip peqqusersuissumik suliassaqarluni Islandiliartup tikinniariarluni tigusarineqarnera tupannarpoq. Inatsisinik unioqqutitsineruvoq, kikkulluunniimmi sumulluunniit angalasinnaatitaapput, Furuholmen Islandimi naalagaaffiup TV-qarfianut, RUV-mut oqarpoq.

Politiit qularutiginngilluinnarpaat Leif Ivar Kristensen Islandiliartoq Islandimi motorcykilertartut klubbiannut 'MC Prospects of Hells Angels-inut ilaasortanngoriartorluni, taamaattumillu tigusaraat.

Hells Angelsimut ilaasortamik Islandimi oqartussaasunit aatsaat tigusarinnittoqanngilaq. Ilaasortat aqqaneq-marluk 2009-mi upernaakkut tigusarineqarput, Norgimilu Hells Angelsinut ilaasortat arfineq-pingasut 2007-ip naalernerani aamma tigusaallutik.