Hellmannimi isumannaatsuunissaq suli anguneqanngilaq
Novembari qiteqquppat danskit naalakkersuisui Afghanistanimi nunap ilaanut 2008-mi Hellmannimut iliuusissatut pilersaarutitik piariissavaat. Pilersaarut Nunanut allanut aamma illersornissamut ministereqarfinnit suliarineqarpoq, matumani sakkutuut sakkutuujunngitsullu nunap immikkoortuani tamaani iliuusissaat pineqarput.
Nunap immikkoortuani Hellmannimi isumannaatsuunissaq suli anguneqanngimmat, aatsaat ukioq ataaseq qaangiuppat ineriartortitsilluni suliniuteqartoqarsinnaavoq.
Natop sakkutuui ukiup ataatsip matuma siornagut tamaani suliniuteqarlutik aallartipput, sakkutuullu Afghanistanimiut maanna pilersinniarneqaleruttorput.
- Taamaattumik ukioq ataaseq aatsaat qaangiuppat, nunap immikkoortuani tamaani Afghanistanip naalakkersuisui inatsisinik atuutsitsisinnaalissapput, nunanut allanut ministeri Per Stig Møller oqarpoq.
